ബാർസലോണയുടെ യുവതാരം ലമിൻ യമാലിന് ക്ലബ്ബിന്റെ ചരിത്രത്തിലെ ഏറ്റവും മികച്ച കളിക്കാരനായ ലയണൽ മെസ്സിയുടെ ഇതിഹാസപരമായ നമ്പർ 10 ജേഴ്സി ഔദ്യോഗികമായി നൽകി. ബുധനാഴ്ചയാണ് ഈ പ്രഖ്യാപനം വന്നത്. അൻസു ഫാറ്റി സീരി എ ക്ലബ്ബായ എ.എസ്. റോമയിലേക്ക് പോയതിന് ശേഷം നമ്പർ 10 ജേഴ്സി ഒഴിഞ്ഞുകിടക്കുകയായിരുന്നു. 2021-ൽ മെസ്സി പി.എസ്.ജിയിലേക്ക് പോയപ്പോൾ ഫാറ്റിക്ക് ഈ നമ്പർ ലഭിച്ചെങ്കിലും, മെസ്സി ബാക്കിവെച്ച വലിയ വിടവ് നികത്താൻ അദ്ദേഹത്തിന് കഴിഞ്ഞിരുന്നില്ല.
ഇപ്പോൾ, വെറും 18 വയസ്സുള്ള യമാൽ ആ പ്രശസ്തമായ ജേഴ്സിയുടെ അടുത്ത അവകാശിയായി മാറിയിരിക്കുന്നു.
2031 വരെ ക്ലബ്ബിൽ തുടരുന്ന ഒരു ദീർഘകാല കരാറിൽ യമാൽ അടുത്തിടെ ഒപ്പുവച്ചിരുന്നും. യമാലിനെ ലോക ഫുട്ബോളിലെ ഏറ്റവും മികച്ച പ്രതിഭകളിൽ ഒരാളായാണ് ഫുട്ബോൾ ലോകം കണക്കാക്കുന്നത്. മെസ്സിയെയും റൊണാഡീഞ്ഞോയും പോലെ ഈ ഐതിഹാസിക ജേഴ്സിയെ കൂടുതൽ ഉയരങ്ങളിലേക്ക് യമാൽ കൊണ്ടു പോകും എന്ന് ക്ലബ് വിശ്വസിക്കുന്നു.
