റയൽ മാഡ്രിഡിന് സന്തോഷം നൽകുന്ന വാർത്തയല്ല വരുന്നത്. അവരുടെ പ്രധാന താരമായ വിനീഷ്യസ് ജൂനിയർ തിരികെ കളത്തിൽ എത്താൻ സമയം എടുക്കും. പുതിയ റിപ്പോർട്ട് പ്രകാരം 6 ആഴ്ചയോളം വിനീഷ്യസ് പുറത്തിരിക്കും. കഴിഞ്ഞ മത്സരത്തിനിടയിൽ ആയിരുന്നു വിനീഷ്യസിന് പരിക്കേറ്റത്. ആദ്യം പരിക്ക് വലിയ പ്രശ്നമാകില്ല എന്നായിരുന്നു കരുതിയത് എങ്കിലും പുതിയ റിപ്പോർട്ട് പ്രകാരം 6 ആഴ്ചയോളം താരം പുറത്ത് ഇരിക്കും എന്ന് ഉറപ്പായി.
ബ്രസീൽ ദേശീയ ടീമിനൊപ്പം ഉള്ള രണ്ട് ലോകകപ്പ് യോഗ്യത മത്സരങ്ങൾ ഉൾപ്പെടെ വിനീഷ്യസിന് നഷ്ടമാകും. യോഗ്യത റൗണ്ടിൽ ബ്രസീൽ വിനീഷ്യസ് മാത്രമല്ല നെയ്മറും ഉണ്ടാകില്ല. വിനീഷ്യസിന് റയലിനൊപ്പം അഞ്ച് മത്സരങ്ങൾ എങ്കിലും ചുരുങ്ങിയത് ഇനി നഷ്ടമാകും. ഗെറ്റഫെ, റയൽ സോസിഡാഡ്, അത്ലറ്റികോ മാഡ്രിഡ്, ലാസ് പാമസ്, ജിറോണ എന്നീ മത്സരങ്ങളും ഒപ്പം ഒരു ചാമ്പ്യൻസ് ലീഗ് മത്സരങ്ങളും താരത്തിന് നഷ്ടമാകും.
