ലാ ലീഗയിൽ എതിരില്ലാത്ത രണ്ടു ഗോളുകൾക്ക് റയൽ മാഡ്രിഡ് സെൽറ്റ വിഗോയെ പരാജയടുത്തി. ഗാരെത് ബെയിലും ഇസ്‌കോയുമാണ് റയൽ മാഡ്രിഡിന് വേണ്ടി ഗോളടിച്ചത്. ഫ്രഞ്ച് ഇതിഹാസം സിനദിൻ സിദാന്റെ പരിശീലകനായുള്ള രണ്ടാം വരവിനു വിജയത്തോടെ തുടക്കമായി. സാന്റിയാഗോ ബെര്ണാബ്യുവിലെ ആരാധകർ ആവേശത്തോടെയാണ് സിദാന്റെ രണ്ടാം വരവ് ആഘോഷിച്ചത്.
മാറ്റങ്ങളുമായാണ് സെൽറ്റ വിഗോയ്‌ക്കെതിരെ സിദാൻ ടീമിനെ ഇറക്കിയത്. കോർട്ടോയ്ക്ക് പകരക്കാരനായി കൈലിയർ നവാസ് തിരിച്ചെത്തി. സിദാന്റെ രണ്ടാം വരവോടെ ടീമിൽ ഇടം നേടിയ ഇസ്‌കോയും നവാസും മികച്ച പ്രകടനമാണ് ഇന്ന് കാഴ്ചവെച്ചത്. ഇന്നത്തെ ജയത്തോടു കൂടി സിറ്റി റൈവൽസായ അത്ലറ്റികോ മാഡ്രിഡിന് രണ്ടു പോയന്റ് പിന്നിലായി മൂന്നാം സ്ഥാനത്താണ് റയൽ മാഡ്രിഡ് ഇപ്പോൾ.
