ലാലിഗയിൽ റയൽ മാഡ്രിഡിന്റെ കിരീട പ്രതീക്ഷകൾക്ക് തിരിച്ചടി. ഇന്നലെ സ്വന്തം ഹോം ഗ്രൗണ്ടിൽ അവർ റയൽ സോസിഡാഡിനോട് സമനിലയിൽ പിരിഞ്ഞു. ഇരു ടീമുകൾക്കും ഗോൾ ഒന്നും നേടാൻ ഇന്നലെ ആയില്ല.സോസിഡാഡ് ഗോൾ കീപ്പർ റെമിരോയുടെ പ്രകടനം ആണ് റയലിന്റെ വിജയം ഇല്ലാതാക്കിയത്. 7 മികച്ച സേവുകളാണ് റെമിരോ ചെയ്തത്.
ഈ സമനിലയോടെ റയൽ മാഡ്രിഡും ബാഴ്സലോണയും തമ്മിലുള്ള ഗ്യാപ്പ് വർധിച്ചു. 18 മത്സരങ്ങൾ കഴിഞ്ഞപ്പോൾ ബാഴ്സലോണക്ക് 47 പോയിന്റും റയൽ മാഡ്രിഡിന് 42 പോയിന്റുമാണ് ഉള്ളത്. റയൽ സോസിഡാഡ് ഈ സമനിലയോടെ റയലിന് തൊട്ടു പിറകിൽ 39 പോയിന്റുമായി നിൽക്കുന്നുണ്ട്.
