ആഴ്‌ചകൾ നീണ്ട ചർച്ചകൾക്കൊടുവിൽ വോൾഫ്‌സ്ബർഗിലെ സെന്റർ ബാക്ക് മിക്കി വാൻ ഡി വെനെ സ്പർസ് സ്വന്തമാക്കുന്നു. ഡച്ചുകാരനും സൊഅർസും തമ്മിൽ നേരത്തെ തന്നെ കരാർ ധാരണയിൽ എത്തിയിരുന്നു. ഇപ്പോൾ ഇരു ക്ലബുകളിൽ തമ്മിൽ കൂടെ ധാരണയിൽ എത്തിയിരിക്കുകയാണ്. ഈ ആഴ്ച തന്നെ സ്പർസ് ട്രാൻസ്ഫർ പൂർത്തിയാക്കും.
മിക്കി വാൻ ഡി വെൻ ഏറ്റവും മികച്ച യുവ ഡിഫൻഡേഴ്സിൽ ഒരാളാണ്, 22-ാം വയസ്സിൽ തന്നെ താരം പ്രീമിയർ ലീഗിലേക്ക് എത്തുന്നത് താരത്തിനും സ്പർസിനും ഒരു പോലെ ഗുണം ചെയ്യും. 2019ൽ ആയിരുന്നു താരം വോൾഫ്സ്ബർഗിനൊപ്പം ചേർന്നത്. അതുവരെ വോലെൻഡത്തിന്റെ അക്കാദമി ടീമിനായി കളിക്കുകയായിരുന്നു.
വോൾവ്സ് ബർഗിനായി ഇതുവരെ നാൽപ്പതോളം മത്സരങ്ങൾ കളിച്ചിട്ടുണ്ട്. നെതർലന്റ്സ് അണ്ടർ 21 ടീമിന്റെ ഭാഗവുമായുരുന്നു.
