ബാഴ്‌സലോണയും ഓസ്ട്രേലിയയിലേക്ക്. അവർ അവരുടെ ചരിത്രത്തിലെ ആദ്യ ഓസ്‌ട്രേലിയൻ പര്യടനൻ അടുത്ത മാസം നടത്തും. അവിടെ സിഡ്‌നിയിൽ വെച്ച് എ-ലീഗ് ഓൾ സ്റ്റാർസ് ടീമുമായി ബാഴ്സലോണ കളിക്കുമെന്ന് ക്ലബ് ഇന്ന് പ്രഖ്യാപിച്ചു. മെയ് 25 ന് 80,000 സീറ്റുകളുള്ള ഓസ്‌ട്രേലിയ സ്റ്റേഡിയത്തിൽ വെച്ചാകും മത്സരം നടക്കുക. ഈ വർഷം തന്നെ ഓസ്ട്രേലിയയിലേക്ക് ഇംഗ്ലീഷ് ക്ലബുകൾ ആയ മാഞ്ചസ്റ്റർ യുണൈറ്റഡും ക്രിസ്റ്റൽ പാലസുൻ യാത്ര തിരിക്കുന്നുണ്ട്. അവർ ജൂലൈയിൽ ആകും ഓസ്ട്രേലിയയിൽ എത്തുന്നത്.
ലാലിഗ സീസൺ കഴിഞ്ഞ ഉടനെ ആകും ബാഴ്സലോണ ഈ മത്സരത്തിനായി ഓസ്ട്രേലിയയിലേക്ക് പറക്കുക.ഈ മത്സരത്തിനു ശേഷം ടീം പെട്ടെന്ന് തന്നെ ബാഴ്സലോണയിൽ തിരിച്ച് എത്തും എന്നും ക്ലബ് അറിയിച്ചു .
