ബാഴ്സലോണ ഡിഫൻഡർ അറോഹോ ഇനി സീസണിൽ കളിച്ചേക്കില്ല

20210512 104526
- Advertisement -

ബാഴ്സലോണയുടെ യുവ സെന്റർ ബാക്ക് അറോഹക്ക് വീണ്ടും പരിക്ക്‌. ഇന്നലെ ആങ്കിളിന് ഏറ്റ പരിക്ക് സാരമുള്ളതാണ് എന്ന് ക്ലബ് അറ്റിയിച്ചു. ആങ്കിൾ ഇഞ്ച്വറി കാരണം നേരത്തെ ഒരു മാസത്തിലധികം താരം പുറത്തായിരുന്നു. ഇപ്പോൾ വീണ്ടും അതേ പരിക്ക് താരത്തിന് വില്ലനായിരിക്കുകയാണ്‌. ഇനി ഈ സീസണിൽ അറോഹോ കളിക്കാൻ ഉണ്ടാകില്ല. നിർണായകമായ രണ്ടു മത്സരങ്ങൾ ആണ് ബാഴ്സലോണക്ക് ഇനി ലീഗിൽ ബാക്കിയുള്ളത്.

ഇന്നലെ ലെവന്റയ്ക്ക് എതിരെ ബാഴ്സലോണ 2-0ന് മുന്നിട്ട് നിൽക്കുമ്പോൾ ആയിരുന്നു അറോഹോ പരിക്കേറ്റ് പുറത്ത് പോയത്. അതിനു പിന്നാലെ ബാഴ്സലോണ പ്രതിരോധം തകരുകയും ബാഴ്സലോണ 3-3ന്റെ സമനില വഴങ്ങേണ്ടി വരികയും ചെയ്തിരുന്നു. ഈ സീസണിൽ ബാഴ്സലോണ ആദ്യ ഇലവനിലേക്ക് ഉയർന്ന് വന്ന താരമാണ് അറോഹോ.

Advertisement