കഴിയുന്നത്ര കാലം റയൽ മാഡ്രിഡിൽ തുടരാനുള്ള ആഗ്രഹം പ്രകടിപ്പിച്ച് കാർലോ ആഞ്ചലോട്ടി. “എന്റെ ജീവിതകാലം മുഴുവൻ റയൽ മാഡ്രിഡിൽ തുടരാൻ ഞാൻ ആഗ്രഹിക്കുന്നു, പക്ഷേ അത് അസാധ്യമാണ്. എനിക്ക് ഇവിടെ തുടരാൻ ആഗ്രഹമുണ്ട്. അവർക്ക് ഞാൻ 3 മാസം ഇവിടെ നിൽക്കണം എന്നാണെങ്കിൽ, ഞാൻ 3 മാസം ആസ്വദിക്കും. അവർക്ക് 3 വർഷം വേണമെങ്കിൽ, ഞാൻ 3 വർഷം ആസ്വദിക്കും.” ആഞ്ചലോട്ടി പറഞ്ഞു. എന്നാൽ ക്ലബ് ആണ് എല്ലാം തീരുമാനിക്കേണ്ടത് എന്നാണ് ആഞ്ചലോട്ടി പറയുന്നത്.
സ്പാനിഷ് ക്ലബിൽ തുടരാൻ ആഗ്രഹമുണ്ടെങ്കിലും, ദേശീയ ടീമിന്റെ ചുമതല ഏറ്റെടുക്കാൻ ആൻസലോട്ടി ബ്രസീലിലേക്ക് മാറുന്നതിനെക്കുറിച്ച് ചിന്തിക്കുന്നതായി അഭ്യൂഹങ്ങൾ പ്രചരിക്കുന്നുണ്ട്. ഈ അവസരത്തിലാണ് ആഞ്ചലോട്ടിയുടെ പ്രതികരണം. ആഞ്ചലോട്ടിയുടെ കരാർ അവസാനിക്കുന്നത് വരെ അദ്ദേഹം റയലിൽ തന്നെ തുടരും എന്നാണ് പ്രതീക്ഷിക്കപ്പെടുന്നത്. എന്നാൽ ഈ സീസണിൽ ലാലിഗയിൽ പിറകോട്ട് പോയത് ആഞ്ചലോട്ടിയെ സമ്മർദ്ദത്തിൽ ആക്കുന്നുണ്ട്.
