കേരള പ്രീമിയർ ലീഗിൽ ഇന്ന് കിരീട പോരാട്ടമാണ്. ഫൈനലിൽ കേരള യുണൈറ്റഡും സാറ്റ് തിരൂരും നേർക്കുനേർ വരും.കണ്ണൂർ മുനിസിപ്പൽ സ്റ്റേഡിയത്തിൽ ഇന്ന് വൈകിട്ട് 6 മണിക്കാണ് ഫൈനൽ പോരാട്ടം നടക്കുന്നത്. കൈരളി വി ചാനലിൽ കളി തത്സമയം കാണാൻ ആകും. തങ്ങളുടെ ആദ്യ കേരള പ്രീമിയർ ലീഗ് കിരീടമാകും സാറ്റ് തിരൂർ ഇന്ന് ലക്ഷ്യമിടുന്നത്. നിലവിലെ ചാമ്പ്യന്മാരായ കേരള യുണൈറ്റഡ് രണ്ടാം കിരീടമാകും ലക്ഷ്യമിടുന്നത്.
സെമി ഫൈനലിൽ കേരള പോലീസിനെ തോൽപ്പിച്ച് ആണ് സാറ്റ് തിരൂർ ഫൈനലിലേക്ക് വന്നത്. 2-0 എന്ന സ്കോറിനായിരുന്നു സെമി ഫൈനലിലെ വിജയം. ഇതേ സ്കോറിനു തന്നെ മുത്തൂറ്റ് എഫ് എയെ തോൽപ്പിച്ച് ആണ് കേരള യുണൈറ്റഡ് ഫൈനലിലേക്ക് എത്തിയത്.
സൂപ്പർ സിക്സിൽ ഇരു ക്ലബുകളും ഏറ്റുമുട്ടിയപ്പോൾ സാറ്റ് തിരൂരിനായിരുന്നു വിജയം. അതിനു മുമ്പ് ഗ്രൂപ്പ് ഘട്ടത്തിൽ കേരള യുണൈറ്റഡ് സാറ്റ് തിരൂരിനെ തോൽപ്പിക്കുകയും ചെയ്തിട്ടുണ്ട്‌.
