കേരള പ്രീമിയർ ലീഗിൽ ഇന്ന് നടന്ന മത്സരത്തിൽ സായ് കൊല്ലം എം എ കോളേജിനെ പരാജയപ്പെടുത്തി. മൂന്നിനെതിരെ നാലു ഗോളുകൾക്കായിരുന്നു സായ് കൊല്ലത്തിന്റെ വിജയം. 13ആം മിനുട്ടിലും 36ആം മിനുട്ടിലും സുരാജ് കുമാർ നേടിയ ഗോളുകളിൽ സായ് രണ്ട് ഗോളിന് മുന്നിൽ എത്തി. പിന്നീട് രണ്ടാം പകുതിയിൽ രൂപേഷ് കൗശാലും അൽ അമീനും ഗോൾ നേടിയതോടെ സായ് കൊല്ലം മൂന്ന് പോയിന്റ് ഉറപ്പിച്ചു.
എം എ അക്കാദമിയുടെ തിരിച്ചടി വൈകിയാണ് വന്നത്. 63ആം മിനുട്ടിലും 88ആം മിനുട്ടിലും അസ്ലം അലിയും 91ആം മിനുട്ടിൽ നെവിനുമാണ് എം എ അക്കാദമിയുടെ ഗോൾ നേടിയത്. സായ് കൊല്ലം ഈ ജയത്തോടെ 14 പോയിന്റുമായി അഞ്ചാം സ്ഥാനത്ത് അവസാനിപ്പിച്ചു.
