കേരള പ്രീമിയർ ലീഗിലെ ഏപ്രിൽ 10 വരെയുള്ള ഗ്രൂപ്പ് മത്സരങ്ങളുടെ ഫിക്സ്ചറുകൾ കെ എഫ് എ പ്രഖ്യാപിച്ചു. രണ്ട് ഗ്രൂപ്പുകളിലുമായി 17 മത്സരങ്ങൾ മാർച്ച് 31 മുതൽ ഏപ്രിൽ 10വരെ ആയി നടക്കും. തൃശ്ശൂർ, എറണാകുളം എന്നിവിടങ്ങളിൽ ആകും മത്സരം. ഈ മത്സരങ്ങളോടെ ഗ്രൂപ്പ് ഘട്ടം അവസാനിക്കും. സന്തോഷ് ട്രോഫി ഫൈനൽ റൗണ്ടിനു മുമ്പ് കെ പി എൽ അവസാനിപ്പിക്കാൻ ആകും എന്നാണ് കേരള എഫ് എ വിശ്വസിക്കുന്നത്‌.
ഇത്തവണ കെ പി എല്ലിൽ 22 ടീമുകൾ മാറ്റുരക്കുന്നുണ്ട്. കൊറോണ കാരണം നേരത്തെ ഒരുമാസത്തോളം കെ പി എൽ നിർത്തി വെക്കേണ്ടി വന്നതാണ് ലീഗ് ഇത്ര വൈകിപ്പിച്ചത്.
