കേരള പ്രീമിയർ ലീഗിലെ ഗ്രൂപ്പ് എയിൽ ഇന്ന് നടന്ന പോരാട്ടം സമനിലയിൽ. കൊച്ചിയിൽ വെച്ച് നടന്ന മത്സരത്തിൽ ഗോൾഡൻ ത്രഡ്സും കോവളം എഫ് സിയുമായിരുന്നു ഏറ്റുമുട്ടിയത്. 1-1 എന്ന നിലയിലാണ് മത്സരം അവസാനിച്ചത്. ഇരുടീമുകളുടെയും ലീഗിലെ ആദ്യ മത്സരമായിരുന്നു ഇത്. കളിയുടെ 12ആം മിനുട്ടിൽ കോവളം എഫ് സി മുന്നിൽ എത്തിയിരുന്നു.
കോവളത്തിനായി നഹാസ് എ കെയാണ് ഗോൾ നേടിയത്. ആ ലീഡ് 88ആം മിനുട്ട് വരെ നിലനിർത്താൻ കോവളം എഫ് സിക്കായി. എന്നാൽ അവസാന നിമിഷം ഗോൾഡൻ ത്രഡ്സ് സമനില നേടി. സലാഹുദ്ദീൻ ആണ് ഗോൾഡൻ ത്രഡ്സിനായി ഗോൾ നേടിയത്.
