കേരള പ്രീമിയർ ലീഗ് വീണ്ടും നീട്ടി

- Advertisement -

കേരള പ്രീമിയർ ലീഗ് 2018-19 സീസൺ തുടക്കം വീണ്ടും നീളും. ഡിസംബർ ഒമ്പതിന് ആരംഭിക്കാൻ നേരത്തെ തീരുമാനിച്ച ടൂർണമെന്റ് ആണ് വീണ്ടും കെ എഫ് എ നീട്ടിയത്. നവംബർ ആദ്യം മുതൽ നിരന്തരം തീയതി മാറ്റികൊണ്ടേയിരിക്കുകയാണ്. ഇപ്പോൾ ഡിസംബർ 16ന് ലീഗ് തുടങ്ങാനാണ് തീരുമാനിച്ചിറ്റുള്ളത്. ആ തീരുമാനവും അന്തിമം അല്ല‌. ലീഗിൽ നിന്ന് പിന്മാറിയ ടീമുകൾക്ക് കുറച്ച് കൂടെ സമയം നൽകാനും ദക്ഷിണ മേഖല ഇന്റർ യൂണിവേഴ്സിറ്റി മത്സരങ്ങൾ നടക്കുന്നതിനാൽ താരങ്ങളിൽ പലരുടെയും അഭാവവും കണക്കിൽ എടുത്താണ് ഈ നീട്ടൽ‌

ഡിസംബർ 16ന് ഉദ്ഘാടന മത്സരത്തിൽ ആർ എഫ് സി കൊച്ചിയും കേരള ബ്ലാസ്റ്റേഴ്സ് റിസേർവ്സ് ടീമും തന്നെയാകും ഏറ്റുമുട്ടുക. ആർ എഫ് സി കൊച്ചിന്റെ ഹോം ഗ്രൗണ്ടായ മഹാരാജാസ് കോളേജ് ഗ്രൗണ്ടിൽ വെച്ചാകും മത്സരം. ഡിസംബർ 16ന് തന്നെ ലീഗ് തുടങ്ങും എന്ന് ഉറപ്പായാൽ ഉടൻ തന്നെ കെ എഫ് എ ഫിക്സ്ചറുകൾ പുറത്തുവിടും.

Advertisement