കേരള ബ്ലാസ്റ്റേഴ്സ് യുവ ഗോൾകീപ്പർ അർഷ് അൻവർ ഷെയ്ഖിനെ സ്വന്തമാക്കി
യുവ ഗോൾകീപ്പർ അർഷ് അൻവർ ഷെയ്ഖിനെ മൂന്ന് വർഷത്തെ കരാറിൽ സ്വന്തമാക്കി കേരള ബ്ലാസ്റ്റേഴ്സ് എഫ്സി. 22 വയസ്സുകാരനായ അർഷ് 2028 വരെ ക്ലബ്ബിൽ തുടരുന്ന കരാർ ഒപ്പുവെച്ചു. മോഹൻ ബഗാൻ സൂപ്പർ ജയന്റ്സിൽ നിന്നാണ് അർഷ് ബ്ലാസ്റ്റേഴ്സിൽ എത്തുന്നത്.
ഇന്ത്യൻ സൂപ്പർ ലീഗ്, ഡ്യൂറൻഡ് കപ്പ്, സൂപ്പർ കപ്പ്, എഎഫ്സി കപ്പ് എന്നിവയുൾപ്പെടെയുള്ള മുൻനിര മത്സരങ്ങളിൽ കളിച്ചുള്ള നിർണായക അനുഭവസമ്പത്തുമായാണ് അദ്ദേഹം എത്തുന്നത്.
ബ്ലാസ്റ്റേഴ്സ് സിഇഒ അഭിക് ചാറ്റർജി ഈ സൈനിംഗിനെ സ്വാഗതം ചെയ്തു. “അർഷിനെപ്പോലെയുള്ള യുവവും കഴിവുള്ളതുമായ ഒരു ഗോൾകീപ്പറെ ടീമിലെത്തിക്കുന്നത് ശരിയായ ദിശയിലുള്ള ഒരു ചുവടുവെപ്പാണ്. ഞങ്ങളോടൊപ്പം വളർന്ന് ഞങ്ങളുടെ ദീർഘകാല കാഴ്ചപ്പാടിന്റെ ഭാഗമാകാൻ കഴിയുന്ന ഒരാളായി ഞങ്ങൾ അദ്ദേഹത്തെ കാണുന്നു,” അദ്ദേഹം പറഞ്ഞു.
റൈറ്റ് ബാക്ക് അമെയ് റാണവാഡെക്ക് ശേഷം ഈ സമ്മർ ട്രാൻസ്ഫർ വിൻഡോയിൽ ബ്ലാസ്റ്റേഴ്സ് സ്വന്തമാക്കുന്ന രണ്ടാമത്തെ താരമാണ് അർഷ്. കേരളത്തിന്റെ നമ്പർ 1 ഗോൾകീപ്പർ സച്ചിൻ സുരേഷിനും നോറ ഫെർണാണ്ടസിനും ഒപ്പം ഗോൾകീപ്പിംഗ് നിരയിൽ അർഷ് അണിനിരക്കും.