മലയാളി സ്ട്രൈക്കർ വി പി സുഹൈർ ഇന്ത്യൻ ക്യാമ്പിൽ. മാർച്ചിൽ നടക്കുന്ന സൗഹൃദ മത്സരങ്ങൾക്ക് ആയുള്ള ഇന്ത്യൻ ദേശീയ ടീമിനൊപ്പം വി പി സുഹൈറും ഉണ്ടാകും. ഐ എസ് എല്ലിൽ നോർത്ത് ഈസ്റ്റിനായുള്ള ഗംഭീര പ്രകടനങ്ങളാണ് സുഹൈറിനെ ദേശീയ ടീമിലേക്ക് എത്തിക്കുന്നത്. നോർത്ത് ഈസ്റ്റിന് ഇത് മോശം സീസൺ ആയിരുന്നു എങ്കിലും സുഹൈറിന് ഇത് ഗംഭീര സീസൺ ആയിരുന്നു.
സുഹൈർ ഈ സീസണിൽ നാലു ഗോളുകളും രണ്ട് അസിസ്റ്റും ടീമിന് സംഭാവന നൽകിയിരുന്നു. സുഹൈർ ക്യാമ്പിൽ എത്തിയത് സംബന്ധിച്ച ഔദ്യോഗിക പ്രഖ്യാപനം ഉടൻ വരും. ഇന്ത്യൻ ഫുട്ബോൾ ടീം ഈ മാസം രണ്ട് സൗഹൃദ മത്സരങ്ങളാകും കളിക്കുക. മാർച്ച് 23, മാർച്ച് 26 തീയതികളിൽ യഥാക്രമം ബഹ്‌റൈനും ബെലാറസിനെയും നേരിടാൻ ആയിരുന്നു ഇന്ത്യ ഉദ്ദേശിച്ചിരുന്നത്. എന്നാൽ ഇപ്പോൾ ബെലാറസിനെതിരായ മത്സരം ഉപേക്ഷിച്ചിരിക്കുകയാണ്. പകരം ഒരു പുതിയ മത്സരം ഇന്ത്യ പ്രഖ്യാപിക്കും.
