നിലവിലെ ഇന്ത്യൻ സൂപ്പർ ലീഗ് ചാമ്പ്യന്മാരായ മോഹൻ ബഗാൻ സൂപ്പർ ജയന്റ് ഒരു വലിയ സൈനിംഗ് കൂടെ പൂർത്തിയാക്കി. സ്പാനിഷ് ഡിഫൻഡർ ഹെക്ടർ യുസ്റ്റെയെ ആണ് അവ പുതുതായി സ്വന്തമാക്കിയിരിക്കുന്നത്‌. ഇന്ന് ഇതു സംബന്ധിച്ച ഔദ്യോഗിക പ്രഖ്യാപനം വന്നു. യൂറോപ്പ ലീഗയിലും ലാലിഗയിലും എല്ലാം കളിച്ചിട്ടുള്ള താരമാണ് യുസ്റ്റെ.
സൈപ്രിയറ്റ് ക്ലബ് എസി ഒമോണിയയിൽ ആയിരുന്നു യൂസ്റ്റെ അവസാന രണ്ട് സീസണുകൾ ചെലവഴിച്ചത്‌. അവിടെ രണ്ട് തവണ സൈപ്രിയറ്റ് കപ്പും 2021ൽ സൈപ്രിയറ്റ് സൂപ്പർ കപ്പും നേടി. ഈ ക്ലബിനൊപ്പം അദ്ദേഹ. UEFA യൂറോപ്പ ലീഗ് , UEFA യൂറോപ്പ കോൺഫറൻസ് ലീഗ് ടൂർണമമെന്റുകളുടെ ഭാഗമായി. മാഞ്ചസ്റ്റർ യുണൈറ്റഡിന് എതിരെയും താരം യൂറോപ്പ ലീഗിൽ കളിച്ചിട്ടുണ്ട്. ഗ്രാനഡയ്‌ക്കൊപ്പം ലാലിഗയിൽ സ്പാനിഷ് താരം കളിച്ചിട്ടുണ്ട്. 35കാരനായ താരം ഒരു വർഷത്തെ കരാർ ആണ് ഒപ്പുവെച്ചത്.
