ഒഡീഷയുടെ സ്ട്രൈക്കർ ആയ അരിദന സാന്റാന ക്ലബ് വിട്ടു. ബെംഗളൂരു എഫ് സിക്ക് എതിരായ മത്സരത്തിൽ സാന്റാനയ്ക്ക് പരിക്കേറ്റിരുന്നു. ആ പരിക്ക് സാരമുള്ളതാണ് എന്നും അതുകൊണ്ട് തന്നെ താരത്തിന് ഈ സീസണിൽ ഇനി കളിക്കാൻ ആവില്ല എന്നും ഒഡീഷ എഫ് സി ഔദ്യോഗികമായി അറിയിച്ചു. ഈ സീസണിൽ ഒഡീഷയ്ക്കായി ഗോളടിച്ചു കൂട്ടിയ താരമാണ് സാന്റാന.
14 മത്സരങ്ങൾ കളിച്ച സാന്റാന 9 ഗോളുകൾ നേടിയിരുന്നു. ഒപ്പം രണ്ട് അസിസ്റ്റും താരം സംഭാവന നൽകിയിരുന്നു. താര. സ്പെയിനിലെ തന്റെ ക്ലബിൽ ചെന്ന് കൂടുതൽ ചികിത്സകൾ നേടും. കൾചറൽ ലൊയെൻസ എന്ന ക്ലബിൽ നിന്ന് ലോണടിസ്ഥാനത്തിൽ ആയിരുന്നു ഇതുവരെ സാന്റാന ഒഡീഷയിൽ കളിച്ചിരുന്നത്. ഒഡീഷ ഇപ്പോൾ സാന്റാനയ്ക്ക് പകരം ഒരു വിദേശ സ്ട്രൈക്കറെ എത്തിക്കാനുള്ള ശ്രമത്തിലാണ്.
