കേരള ബ്ലാസ്റ്റേഴ്സ് യുവതാരം നിഹാൽ സുധീഷിനെ ഈ വരുന്ന സീസണിൽ ലോണിൽ അയക്കാൻ സാധ്യത. നിഹാൽ പഞ്ചാബ് എഫ് സിയിൽ ലോണിലേക്ക് പോകും എന്ന് Zillz sports റിപ്പോർട്ട് ചെയ്യുന്നു. ബ്ലാസ്റ്റേഴ്സ് വലിയ പ്രതീക്ഷയോടെ കാണുന്ന താരത്തിന് കൂടുതൽ അവസരം ലഭിക്കാനായാകും ക്ലബ് താരത്തെ ലോണിൽ അയക്കുന്നത്.
കഴിഞ്ഞ സീസൺ ഐ എസ് എല്ലിൽ ആകെ 8 മത്സരങ്ങൾ മാത്രമെ താരം ബ്ലാസ്റ്റേഴ്സിനായി കളിച്ചിരുന്നുള്ളൂ. ഒരു ഗോളും ഒരു അസിസ്റ്റും നേടിയിരുന്നു. നിഹാൽ സുധീഷിന് 2026 വരെ ക്ലബിൽ കരാർ ഉണ്ട്.
കേരള ബ്ലാസ്റ്റേഴ്സ് യൂത്ത് ടീമിന്റെ അവിഭാജ്യ ഘടകമായിരുന്ന ഈ കൊച്ചിക്കാരൻ. 2015-16 ഹീറോ ഐ‌എസ്‌എൽ സീസണിൽ, കൊച്ചി ജവഹർലാൽ നെഹ്‌റു സ്റ്റേഡിയത്തിന്റെ ഒരു ബോൾ ബോയ് ആയി നിഹാൽ ഉണ്ടായിരുന്നു. അവിടെ നിന്നാണ് താരം സീനിയർ ടീം വരെ എത്തിയത്.
നിഹാൽ 2019-20 ഐ-ലീഗ് രണ്ടാം ഡിവിഷനിൽ കെബിഎഫ്‌സി റിസർവ്സ് ടീമിനായി കളിച്ചിരുന്നു. 2022ൽ റിലയൻസ് ഫൗണ്ടേഷൻ ഡെവലപ്‌മെന്റ് ലീഗിലും യുകെയിൽ നടന്ന നെക്സ്റ്റ് ജെൻ കപ്പിലും ക്ലബ്ബിന്റെ റിസർവ് ടീമിനായി കളിച്ചു.
