യുവ ഗോൾ കീപ്പർ നീരജ് കുമാറിനെ ഒഡീഷ എഫ് സി സ്വന്തമാക്കി. 19കാരനായ താരം നീരജ് കുമാർ രാജസ്ഥാൻ യുണൈറ്റഡ് വിട്ടാണ് ഒഡീഷയിൽ എത്തുന്നത്. മൂന്ന് വർഷത്തെ കരാറിലാണ് താരം ഒപ്പുവെച്ചത്. കഴിഞ്ഞ സീസണിലായിരുന്നു താരം രാജസ്ഥാൻ യുണൈറ്റഡിൽ എത്തിയത്.
ഇതിനു മുമ്പ് നീരജ് റിയൽ കാശ്മീരിനായി കളിച്ചിരുന്നു. അവിടെ ഗംഭീര പ്രകടനം നടത്താനും താരത്തിനായിരുന്നു. മുമ്പ് ഇന്ത്യയെ അണ്ടർ 16 ടീമിലും അണ്ടർ 19 ടീമിലും പ്രതിനിധീകരിച്ചിട്ടുണ്ട്. മുമ്പ് ഒസോണായും താരം കളിച്ചിട്ടുണ്ട്.
