അടുത്ത സീസണ് മുന്നോടിയായി കാശ്മീരി ഡിഫൻഡർ ആയ മുഹമ്മദ് ഹമ്മദിനെ എഫ് സി ഗോവ സ്വന്തമാക്കി. കേരള ബ്ലാസ്റ്റേഴ്സ് ലക്ഷ്യമിട്ടിരുന്ന താരമായിരുന്നു ഹമ്മദ്. 26കാരനായ താരം ഇപ്പോൾ റിയൽ കാശ്മീരിന്റെ സെന്റർ ബാക്കാണ്.
2017 മുതൽ ഹമ്മദ് റിയൽ കാശ്മീരിൽ ഉണ്ട്. ഈ സീസണിൽ ഇതുവരെ 15 മത്സരങ്ങൾ റിയൽ കാശ്മീരിനായി കളിച്ചിട്ടുണ്ട്. റിയൽ കാശ്മീരിൽ വരും മുമ്പ് ലോൺ സ്റ്റാർ കാശ്മീരിനു വേണ്ടി ആയിരുന്നു താരം കളിച്ചത്. ജമ്മു കാശ്മീരിനായി മുമ്പ് സന്തോഷ് ട്രോഫിയിലും മുഹമ്മദ് ഹമ്മദ് കളിച്ചിട്ടുണ്ട്. 2 വർഷത്തെ കരാർ താരം ഗോവയിൽ ഒപ്പുവെക്കും.
