മലയാളി യുവ ഫോർവേഡ് മുഹമ്മദ് സനാൻ മോഹൻ ബഗാൻ ക്ലബിലേക്ക് എത്തുന്നു. മോഹൻ ബഗാൻ താരത്തെ സ്വന്തമാക്കാൻ ശ്രമിക്കുന്നതായി നേരത്തെ തന്നെ വാർത്തകൾ ഉണ്ടായിരുന്നു. ഇപ്പോൾ സനാൻ മോഹൻ ബഗാനുമായി കരാർ ധാരണയിൽ എത്തിയതായി റിപ്പോർട്ടുകൾ വരുന്നുണ്ട്. ഈ സീസണിൽ ജംഷദ്പൂർ എഫ് സിക്ക് ആയി നല്ല പ്രകടനം കാഴ്ചവെക്കാൻ 20കാരനായി.
ഈ സീസണിൽ 20 മത്സരങ്ങൾ കളിച്ച താരം 2 ഗോളുകളും ഒരു അസിസ്റ്റും സംഭാവന ചെയ്തിരുന്നു. റിലയൻസ് യൂത്ത് ഫൗണ്ടേഷൻ ടീമിന്റെ ഭാഗമായി വളർന്നു വന്ന സനാൻ ഈ സീസൺ തുടക്കം മുതൽ ആണ് ജംഷദ്പൂരിന്റെ ഭാഗമായത്.
2016 മുതൽ സനാൻ റിലയൻസ് ടീമിന്റെ ഒപ്പം ഉണ്ടായിരുന്മു. സനാൻ റിലയൻസ് ടീമിനൊപ്പം വിദേശ പര്യടനങ്ങളും നടത്തിയിട്ടുണ്ട്. മലപ്പുറം മഞ്ചേരി സ്വദേശിയാണ്. മുമ്പ് പ്രൊഡിജി അക്കാദമിക്ക് ഒപ്പവും താരം കളിച്ചിട്ടുണ്ട്.
