ബെംഗളുരു എഫ്സിയിൽ നിന്ന് ഒരു വർഷത്തെ ലോൺ ഡീലിൽ ഗോൾകീപ്പർ ലാറ ശർമ്മ കേരള ബ്ലാസ്റ്റേഴ്സിൽ എത്തിയതായി ക്ലബ് അറിയിച്ചു. താരം ഇതിനകം തന്നെ കേരള ബ്ലാസ്റ്റേഴ്സിനൊപ്പം പരിശീലനം നടത്തുന്നുണ്ട്. ടാറ്റ ഫുട്ബോൾ അക്കാദമിയിലൂടെ വളർന്നു വന്ന താരമാണ് 24-കാരനായ ലാറ ശർമ്മ. ഇന്ത്യൻ ആരോസ്, എടികെ (റിസർവ്സ്), ബംഗളൂരു എഫ്സി എന്നി ക്ലബുകൾക്ക് ആയി ഇതുവരെ കളിച്ചു.
ഡുറാൻഡ് കപ്പ് ജേതാവായ ലാറ ദേശീയ ടീമിന്റെ അണ്ടർ 18 ടീമിനെയും പ്രതിനിധീകരിച്ചിരുന്നു. “ഞങ്ങൾ വളരെക്കാലമായി പിന്തുടരുന്ന ഒരാളാണ് ലാറ. ഇപ്പോൾ, അദ്ദേഹത്തെ ഒരു സീസണിൽ അടുത്ത് കാണാനും ഞങ്ങളുടെ ഗോൾകീപ്പിംഗ് ഡിപ്പാർട്ട്മെന്റിന് ആഴം കൂട്ടാനും ഞങ്ങൾക്ക് അവസരം ലഭിച്ചു. ഈ വരാനിരിക്കുന്ന സീസൺ ലാറയുടെ വളർച്ചയിൽ ഗണ്യമായ പങ്ക് വഹിക്കുമെന്ന് ഞാൻ പ്രതീക്ഷിക്കുന്നു. ഒരു കളിക്കാരനെന്ന നിലയിൽ ശർമ്മ ഞങ്ങളോടൊപ്പമുള്ള സമയം അവനും ക്ലബ്ബിനും പരസ്പരം പ്രയോജനകരമാണ്.” വായ്പാ ഇടപാടിനെക്കുറിച്ച് കേരള ബ്ലാസ്റ്റേഴ്സ് സ്പോർട്ടിംഗ് ഡയറക്ടർ കരോലിസ് സ്കിൻകിസ് പറഞ്ഞു.
“കെബിഎഫ്സിയിൽ കളിക്കാനുള്ള അവസരം വളരെ സവിശേഷമാണ്. ക്ലബ്ബിന് ചുറ്റുമുള്ള ആരാധകരും അന്തരീക്ഷവും ഊർജവും വളരെ പോസിറ്റീവ് ആണ്, ഇതിന്റെയെല്ലാം ഭാഗമാകാൻ എനിക്ക് കാത്തിരിക്കാനാവില്ല.” ലാറ ശർമ്മ പറഞ്ഞു:
