കേരള ബ്ലാസ്റ്റേഴ്സ് പരാജയപ്പെടാൻ കാരണം അവസരങ്ങൾ നഷ്ടപ്പെടുത്തിയത് ആണെന്ന് പരിശീലകൻ ഇവാൻ വുകമാനോവിച്. ഇന്ന് ഒഡീഷക്ക് എതിരായ പ്ലേ ഓഫ് മത്സരത്തിന് ശേഷം സംസാരിക്കുക ആയിരുന്നു ഇവാൻ. ഒഡീഷ 2-1ന് വിജയിച്ച മത്സരത്തിൽ കേരള ബ്ലാസ്റ്റേഴ്സ് ഒരുപാട് ഗോൾ അവസരങ്ങൾ നഷ്ടപ്പെടുത്തിയിരുന്നു.
“ഇതൊരു കടുപ്പമേറിയ മത്സരമായിരുന്നു, നോക്കൗട്ട് ഘട്ടമാണ്, നിങ്ങൾ അവസരങ്ങൾ സൃഷ്ടിക്കുമ്പോഴെല്ലാം ഗോളുകൾ നേടേണ്ടതുണ്ട്.” ഇവാൻ പറഞ്ഞു. “തീർച്ചയായും തന്റെ കളിക്കാർ ആ പന്ത് വലയിലേക്ക് എത്തിക്കാൻ തന്നെയാണ് ആഗ്രഹിച്ചത്. എന്നാൽ, ഇത്തരത്തിലുള്ള ഗെയിമിൽ, നിങ്ങൾ ലഭിക്കുന്ന അവസരങ്ങളിൽ ആ ഗോളുകൾ നേടിയില്ലെങ്കിൽ, നിങ്ങൾ വലിയ വില കൊടുക്കേണ്ടി വരും.” ഇവാൻ പറഞ്ഞു.
ദിമി ഇല്ലാത്തത് വലിയ അഭാവം ആയിരുന്നു എന്നും ഇവാൻ പറഞ്ഞു. കേരള ബ്ലാസ്റ്റേഴ്സിന്റെ ടോപ് സ്കോറർ ആയ ദിമി പരിക്ക് കാരണം ഇന്ന് കളിച്ചിരുന്നില്ല.
