പുതിയ സീസണായുള്ള ഹോം ജേഴ്സി കേരള ബ്ലാസ്റ്റേഴ്സ് ഇന്ന് പുറത്തിറക്കി. മഞ്ഞയും നീലയും നിറത്തിലുള്ള ജേഴ്സി ആണ് കേരള ബ്ലാസ്റ്റേഴ്സ് പുറത്തിറക്കിയത്. പ്രമുഖ സ്പോർട്സ് വെയർ ബ്രാൻഡായ സിക്സ് 5 സിക്സ് ആണ് ബ്ലാസ്റ്റേഴ്സിന്റെ ജേഴ്സി ഒരുക്കുന്നത്. ഇന്ന് ഒരു വീഡിയോയിലൂടെയാണ് ബ്ലാസ്റ്റേഴ്സ് ജേഴ്സി പ്രകാശനം ചെയ്തത്. സിക്സ് 5 സിക്സിന്റെ വെബ്സൈറ്റ് വഴി ജേഴ്സി വാങ്ങാൻ ആകും.
1499 രൂപയാണ് ജേഴ്സിക്ക്. ജേഴ്സിയിൽ നുങ്ങളുടെ പേര് ചേർത്ത് കസ്റ്റമൈസ് ചെയ്യണം എങ്കിൽ 200 രൂപ കൂടെ അധികം ആകും. ഇന്ന് മുതൽ ആരാധകർ ജേഴ്സി ഓർഡർ ചെയ്യാം. കേരള ബ്ലാസ്റ്റേഴ്സിന്റെ യു എ ഇയിലെ പ്രീസീസൺ മത്സരങ്ങളിൽ ക്ലബ് ഈ ജേഴ്സി അണിയും. നേരത്തെ ബ്ലാസ്റ്റേഴ്സ് അവരുടെ എവേ കിറ്റും പുറത്തിറക്കിയിരുന്നു.
