ജയേഷ് റാണെ മുംബൈ സിറ്റി എഫ് സിയിൽ സ്ഥിര കരാർ ഒപ്പുവെച്ചു. 2024-25 സീസൺ അവസാനം വരെയുള്ള കരാറിൽ താരം ഒപ്പുവെച്ചതായി ക്ലബ് അറിയിച്ചു. കഴിഞ്ഞ സീസണിൽ ബെംഗളൂരു എഫ് സിയിൽ നിന്ന് ലോണിൽ ആയിരുന്നു ജയേഷ് മുംബൈയിൽ കളിച്ചിരുന്നത്..
ഈ കഴിഞ്ഞ സീസണിൽ 20 മത്സരങ്ങൾ മുംബൈ സിറ്റിക്ക് ആയി കളിച്ച ജയേഷ് 4 അസിസ്റ്റുകൾ സംഭാവന ചെയ്തിരുന്നു. മുംബൈയിൽ എത്തും മുമ്പ് 2 വർഷത്തോളം ജയേഷ് ബെംഗളൂരു എഫ് സി താരമായിരുന്നു. അതിനു മുമ്പ് മോഹൻ ബഗാനായും ഐസോളിലും താരം കളിച്ചു.
ഇതുവരെ ഐ എസ് എല്ലിൽ 123 മത്സരങ്ങൾ കളിച്ചിട്ടുണ്ട്. 5 ഗോളുകളും 12 അസിസ്റ്റും മധ്യനിര താരം സംഭാവന ചെയ്തു. ചെന്നൈയിൻ എഫ് സിക്കായും മുമ്പ് ഐ എസ് എല്ലിൽ ജയേഷ് കളിച്ചിട്ടുണ്ട്.
