ഐ എസ് എല്ലിൽ വിദേശ താരങ്ങളുടെ എണ്ണം കുറയ്ക്കാൻ തീരുമാനമായി

ഐ എസ് എല്ലിലെ വിദേശ താരങ്ങളുടെ എണ്ണം നാലാക്കി കുറക്കാൻ തീരുമാനമായി. 2021-22 സീസൺ മുതൽ വിദേശ താരങ്ങളുടെ എണ്ണ കുറക്കാൻ ആണ് ധാരണയായത്. എ ഐ എഫ് എഫിന്റെ നിർദ്ദേശം ഐ എസ് എൽ നടത്തിപ്പുകാർ അംഗീകരിച്ചിരിക്കുകയാണ്. 3+1 ഒന്ന് എന്ന ഏഷ്യൻ നിയമം ആണ് 2021-22 സീസൺ മുതൽ ഐ എസ് എല്ലിൽ നിർബന്ധവുക. ആകെ അഞ്ചു വിദേശ താരങ്ങളെ മാത്രമെ ഒരു ക്ലബിന് സൈൻ ചെയ്യാൻ സാധിക്കുകയുള്ളൂ. ഈ 5 വിദേശ താരങ്ങളിൽ ഒന്ന് ഏഷ്യൻ താരമാവുകയും വേണം. ആദ്യ ഇലവനിൽ നാല് വിദേശ താരങ്ങൾക്ക് മാത്രമെ കളിക്കാനും കഴിയു. ഇപ്പോളൈ എസ് എല്ലിൽ ഏഴു താരങ്ങളെ വരെ സൈൻ ചെയ്യാം.

ഐ എസ് എല്ലിലും ഐ ലീഗിലും വരുന്ന സീസണിലെ തന്നെ വിദേശ താരങ്ങളുടെ എണ്ണം കുറയ്ക്കാൻ വേണ്ടിയുള്ള ഔദ്യോഗിക നീക്കങ്ങൾ നടത്തിയിരുന്നു എങ്കിലും ക്ലബുകളുടെ പ്രതിഷേധങ്ങൾ കാരണമാണ് ഐ എസ് എല്ലിൽ വരുന്ന സീസണിൽ ഈ നിയമം വേണ്ട എന്ന് തീരുമാനിച്ചത്.ഐ ലീഗിൽ എന്നാൽ ഈ വരുന്ന സീസണിൽ തന്നെ വിദേശ താരങ്ങളുടെ എണ്ണം കുറയും. ഏഷ്യൻ ടൂർണമെന്റുകളിൽ നിലവിലുള്ള നിയമം ആണ് ഇത്. ഇന്ത്യയിലും ഇത് കൊണ്ടു വന്നാൽ മാത്രമെ ക്ലബുകൾക്ക് ഏഷ്യൻ ടൂർണമെന്റുകളിൽ നല്ല പ്രകടനം കാഴ്ചവെക്കാൻ ആവുകയുള്ളൂ‌.

Previous articleസ്റ്റോക്സിന് കീഴില്‍ ഇംഗ്ലണ്ടിന് കൂടുതല്‍ ഊര്‍ജ്ജമുണ്ടാകുമെന്ന് പ്രതീക്ഷിക്കുന്നു
Next articleപാക്കിസ്ഥാനുമായുള്ള പരമ്പരയുടെ മത്സരക്രമം പുറത്തുവിട്ട് ഇംഗ്ലണ്ട് ബോര്‍ഡ്