ഐ എസ് എൽ ഫൈനൽ ടിക്കറ്റുകൾ വിറ്റു തീർന്നു

Sahal Blasters

ഫുട്ബോൾ സ്പോർട്സ് ഡെവലപ്മെന്റ് ലിമിറ്റഡ് (എഫ്എസ്ഡിഎൽ) ഇന്ന് 2021-22 ഹീറോ ഇന്ത്യൻ സൂപ്പർ ലീഗ് ഫൈനലിലേക്കുള്ള ടിക്കറ്റ് വിൽപ്പന ആരംഭിച്ച് 20 മണിക്കൂറുകൾ കൊണ്ട് ടിക്കറ്റുകൾ പൂർണ്ണമായും വിറ്റു പോയി. BookMyShow.com-ൽ ലഭ്യമായ 150 രൂപയുടെയും 99 രൂപയുടെയും ടിക്കറ്റുകൾ ആണ് വില്പ്പനക്ക് എത്തി മണിക്കൂറുകൾ കൊണ്ട് തീർന്നത്. ഇനി ഫൈനൽ തീരുമാനം ആയാൽ കുറച്ച് ടിക്കറ്റുകൾ കൂടെ അധികൃതർ വിൽപ്പനയ്ക്ക് വെക്കും എന്നാണ് പ്രതീക്ഷിക്കപ്പെടുന്നത്.

മാർച്ച് 20-ന് ഞായറാഴ്ച ഗോവയിലെ ഫട്ടോർഡയിലെ പിജെഎൻ സ്റ്റേഡിയത്തിൽ നടക്കുന്ന ഐഎസ്എൽ ഫൈനലിൽ രണ്ട് ടീമുകൾ ആകും ഉണ്ടാവുക. ഇതിൽ ഒന്ന് കേരള ബ്ലാസ്റ്റേഴ്സ് ആകും എന്നാണ് പ്രതീക്ഷ. കേരള ബ്ലാസ്റ്റേഴ്സ് ഉണ്ടെങ്കിൽ സ്റ്റേഡിയം മഞ്ഞ കടലാകും. നീണ്ട രണ്ട് വർഷത്തിന് ശേഷം സ്റ്റേഡിയത്തിലേക്ക് ആരാധകരെത്തുന്നത്.

സ്റ്റേഡിയത്തിലെ ഇരിപ്പിടത്തിന്റെ 100% ഉപയോഗത്തിന് ഗോവ സർക്കാർ അനുമതി നൽകിയിട്ടുണ്ട്. സ്റ്റേഡിയത്തിലെ സുരക്ഷാ പ്രോട്ടോക്കോളുകൾക്ക് അനുസൃതമായി, പങ്കെടുക്കുന്ന ആരാധകർ ഒന്നുകിൽ പൂർണ്ണമായി വാക്സിനേഷൻ നൽകേണ്ടതുണ്ട്, അവരുടെ അവസാന ഡോസിൽ നിന്ന് കുറഞ്ഞത് 15 ദിവസത്തെ ഇടവേളയോ അല്ലെങ്കിൽ പ്രവേശന സമയത്ത് 24 മണിക്കൂറിനുള്ളിൽ നെഗറ്റീവ് RT-PCR റിപ്പോർട്ട് നൽകുകയോ വേണം. എല്ലായ്‌പ്പോഴും മാസ്ക് ധരിക്കുന്നത് നിർബന്ധമാക്കും.