യുവ മധ്യനിര താരമായ ഹിതേഷ് ശർമ്മ ഹൈദരബാദ് എഫ് സി വിടും. താരം ലോൺ അടിസ്ഥാനത്തിൽ ഒഡീഷയിലേക്ക് പോകും എന്നാണ് റിപ്പോർട്ടുകൾ. താരം ഈ സീസണിൽ അധികം മത്സരങ്ങൾ ഹൈദരബാദിൽ കളിച്ചിരുന്നില്ല. ആകെ 6 മത്സരങ്ങൾ മാത്രമെ ഐ എസ് എല്ലിൽ ഈ സീസണിൽ കളിച്ചുള്ളൂ. ലോൺ കഴിഞ്ഞു താരത്തെ സ്ഥിര കരാറിൽ സ്വന്തമാക്കാനും ഒഡീഷ ആഗ്രഹിക്കുന്നുണ്ട്.
അവസാന മൂന്ന് സീസണുകളായി ഹിതേഷ് ഹൈദരാബാദ് എഫ് സിക്ക് ഒപ്പം ഉണ്ട്. 26കാരനായ ഹിതേഷ് ആകെ 77 മത്സരങ്ങൾ ഐ എസ് എല്ലിൽ കളിച്ചിട്ടുണ്ട്. രണ്ട് ഗോളുകൾ താരം നേടിയിട്ടുണ്ട്. മുമ്പ് എ ടി കെ കൊൽക്കത്തയുടെ താരമായിരുന്നു ഹിതേഷ്. ടാറ്റ അക്കാദമിയിലൂടെ വളർന്നു വന്ന താരമാണ്. എ ടി കെയെ കൂടാതെ മുമ്പ് മുംബൈ സിറ്റിക്കു വേണ്ടിയും കളിച്ചിട്ടുണ്ട്.
