ഹാളിചരൺ നർസാരി ഹൈദരാബാദ് എഫ് സിയിൽ പുതിയ കരാർ ഒപ്പുവെച്ചു. ഒരു വർഷത്തെ കരാറിലാണ് ഹാളിചരൺ ഒപ്പുവെച്ചിരിക്കുന്നത്. താരം 2020 തുടക്കത്തിലായിരുന്നു ഹൈദരബാദിൽ എത്തിയത്.
ആസാം വിങ്ങർ ഹാളിചരൺ അതിനു മുമ്പ് രണ്ട് വർഷം കേരള ബ്ലാസ്റ്റേഴ്സ് ടീമിലായിരുന്നു. ഈ കഴിഞ്ഞ സീസണിൽ ഹൈദരബാദിനായി ആകെ അഞ്ചു മത്സരങ്ങൾ മാത്രമേ നർസാരി കളിച്ചിരുന്നുള്ളൂ. എങ്കിലും താരത്തിന്റെ കരാർ പുതുക്കാൻ തന്നെ ക്ലബ് തീരുമാനിച്ചു.
🚅 The Narzary express is Yellow and Black!
🔥 Halicharan Narzary is ready to set Gachibowli on fire… 💪#Hali2023 #మనహైదరాబాద్ #HyderabadFC 💛🖤 pic.twitter.com/dl06hOYUBh
— Hyderabad FC (@HydFCOfficial) July 5, 2022
ഐ എസ് എല്ലിൽ ഇതുവരെ 84 മത്സരങ്ങൾ നർസാരി കളിച്ചിട്ടുണ്ട്. മുമ്പ് എഫ് സി ഗോവയ്ക്കു വേണ്ടിയും നോർത്ത് ഈസ്റ്റ് യുണൈറ്റഡിനും വേണ്ടിയും ഐ എസ് എല്ലിൽ കളിച്ചിട്ടുണ്ട് നർസാരി. ഐ ലീഗിൽ ഡി എസ് കെ ശിവജിയൻസിനു വേണ്ടിയും നർസാരി ബൂട്ട് കെട്ടിയിട്ടുണ്ട്.
