ജോർഗെ പെരേര ഡിയസ് മുംബൈ സിറ്റി വിടാൻ സാധ്യത. മുംബൈ സിറ്റി താരത്തിന്റെ കരാർ പുതുക്കാൻ സാധ്യതയില്ല എന്ന് IFTWC റിപ്പോർട്ട് ചെയ്യുന്നു. ഈ സീസൺ അവസാനത്തോടെ ഡിയസിന്റെ മുംബൈ സിറ്റിയിലെ കരാർ അവസാനിക്കും. എഫ് സി ഗോവയാണ് പെരേര ഡിയസിനായി രംഗത്ത് ഉള്ളത്.
മുൻ കേരള ബ്ലാസ്റ്റേഴ്സ് താരമായ ഡിയസ് അവസാന രണ്ട് സീസൺ ആയി മുംബൈ സിറ്റിക്ക് ഒപ്പം ഉണ്ട്. ഐ എസ് എല്ലിൽ ഇതുവരെ 55 മത്സരങ്ങളിൽ നിന്ന് 27 ഗോളുകൾ നേടുകയും 8 അസിസ്റ്റുകൾ സംഭാവന ചെയ്യുകയും ചെയ്ത താരമാണ് ഡിയസ്. ഈ സീസണിൽ 14 മത്സരങ്ങളിൽ നിന്ന് 8 ഗോളുകളും താരം നേടി.
കേരള ബ്ലാസ്റ്റേഴ്സിലൂടെ ആയിരുന്നു താരം ഇന്ത്യയിൽ എത്തിയത്. ബ്ലാസ്റ്റേഴ്സിനായി ആദ്യ സീസണിൽ എട്ട് ഗോളുകളും ഒരു അസിസ്റ്റും സംഭാവന ചെയ്യാൻ ഡിയസിനായിരുന്നു.
