ഐ എസ് എൽ ഡെവലപ്മെന്റ് ലീഗിൽ ബെംഗളൂരു എഫ് സി റിസേർവ്സിന് നാലാം വിജയം. ഇന്ന് മുംബൈ സിറ്റി എഫ് സിയെ നേരിട്ട ബെംഗളൂരു എഫ് സി എതിരില്ലാത്ത അഞ്ചു ഗോളുകൾക്കാണ് വിജയിച്ചത്. മലയാളി താരം രാഹുൽ രാജു തുടർച്ചയായ നാലാം മത്സരത്തിലും ഗോളുമായി തിളങ്ങി. ഇന്ന് രാഹുൽ ഇരട്ട ഗോളുകളാണ് നേടിയത്. നാലു മത്സരങ്ങളിൽ നിന്ന് 5 ഗോളുകൾ രാഹുൽ നേടി കഴിഞ്ഞു.
Rahul Raju slotted in his second goal for the Blues in #BFCMCFC 🤩#RFDevelopmentLeague #LetsPlay @bengalurufc pic.twitter.com/YaBy5syvpo
— Indian Super League (@IndSuperLeague) April 28, 2022
മത്സരത്തിന്റെ 17ആം മിനുട്ടിലും 45ആം മിനുട്ടിലും ആയിരുന്നു രാഹുലിന്റെ ഗോളുകൾ. ലാസ്റ്റ്ബ്രൊൺ, ലാൽതങ്ലിയന, റോബിൻ എന്നിവരാണ് ബെംഗളൂരു എഫ് സിയുടെ മറ്റു ഗോളുകൾ നേടിയത്. ബെംഗളൂരു എഫ് സിക്ക് ഈ വിജയത്തോടെ 12 പോയിന്റായി. കേരള ബ്ലാസ്റ്റേഴ്സിനും 12 പോയിന്റാണുള്ളത്.
