ഇന്ത്യൻ സൂപ്പർ ലീഗ് പ്ലേ ഓഫിൽ കേരള ബ്ലാസ്റ്റേഴ്സ് ഇന്ന് ഒഡീഷ എഫ് സിയെ നേരിടുകയാണ്. ഈ മത്സരം വിജയിക്കണം എന്ന് ബ്ലാസ്റ്റേഴ്സിന്റെ യുവതാരം മുഹമ്മദ് ഐമൻ പറഞ്ഞു. ടീം പോസിറ്റീവ് ആണെന്നും ഈ മത്സരത്തിനായി തയ്യാറാണെന്നും യുവതാരം പറഞ്ഞു. മത്സരത്തിനു മുന്നോടിയായുള്ള പ്രസ് കോൺഫറൻസിൽ സംസാരിക്കുക ആയിരുന്നു ഐമൻ.
പ്ലേ ഓഫ് ഒരു മത്സരം മാത്രമാണ്. എല്ലാവരുടെയും മൈൻഡ് സെറ്റ് പോസിറ്റീവ് ആണ്. ഈ കളി വിജയിക്കണം. ഞങ്ങൾ നന്നായി ഒരുങ്ങിയിട്ടുണ്ട്. ഐമൻ പറഞ്ഞു. കഴിഞ്ഞ മത്സരത്തിൽ ഐമൻ തന്റെ ആദ്യ ഐ എസ് എൽ ഗോൾ നേടിയിരുന്നു.
സ്വന്തം സഹോദരന്റെ കൂടെ ഒരു ക്ലബിൽ കളിക്കാൻ ആകുന്നത് സന്തോഷം നൽകുന്നുണ്ട് എന്നും മാതാപിതാക്കൾ ഞങ്ങളെ ഓർത്ത് അഭിമാനം കൊള്ളുന്നുണ്ട് എന്നും ഐമൻ പറഞ്ഞു.
