ഫൗളുകൾ നിറഞ്ഞു നിന്ന മത്സരത്തിൽ സിറിയക്ക് തോൽവി. സൗഹൃദ മത്സരത്തിൽ കിർഗിസ്ഥാനെ നേരിട്ട സിറിയ ഒട്ടും സൗഹൃദമില്ലാത്ത കളിയാണ് ഇന്ന് പുറത്തെടുത്തത്. മത്സരത്തിൽ ഒന്നിനെതിരെ രണ്ടു ഗോളുകൾക്ക് ആണ് കിർഗിസ്താൻ വിജയിച്ചത്. അവസാന 20 മിനുട്ടിനിടെയാണ് അൽ മാവാസ് അടക്കം രണ്ട് സിറിയൻ താരങ്ങൾ ചുവപ്പ് കണ്ട് പുറത്തുപോയത്.
സിർഗൽബേകും സഗിൻബേവും നേടിയ ഗോളുകളാണ് കിർഗിസ്താന് ജയം നൽകിയത്. സിറിയയുടെ ഗോൾ നേടിയത് അൽ സൊമ ആയിരുന്നു. ആ ഗോൾ പിറന്നത് പെനാൾട്ടിയിൽ നിന്നും.
