പൂർണ വിശ്വാസം! ഗാരത് സൗത്ഗേറ്റിനു 2 വർഷം കൂടി കരാർ നീട്ടി നൽകാൻ ഒരുങ്ങി ഇംഗ്ലണ്ട്

ഇംഗ്ലീഷ് പരിശീലകൻ ഗാരത് സൗത്ഗേറ്റ് ഉടൻ ഇംഗ്ലണ്ട് ദേശീയ ടീമും ആയി 2 വർഷത്തെ പുതിയ കരാർ ഒപ്പ് വക്കും എന്നു സൂചന. നിലവിൽ ഖത്തർ ലോകകപ്പ് വരെ കരാറുള്ള സൗത്ഗേറ്റ് ഇതോടെ 2024 യൂറോ വരെ ദേശീയ ടീമിന് ഒപ്പം തുടരും. പുതിയ കരാർ പ്രകാരം സൗത്ഗേറ്റിന്റെ ശമ്പളം ഇരട്ടിയാവും എന്നാണ് റിപ്പോർട്ടുകൾ.

2016 മുതൽ ഇംഗ്ലീഷ് പരിശീലകൻ ആണ് സൗത്ഗേറ്റ്. റോയ് ഹഡ്സനു പകരക്കാരനായി പരിശീലകൻ ആയ സൗത്ഗേറ്റ് കഴിഞ്ഞ യൂറോയിൽ ടീമിനെ ഫൈനലിലും എത്തിച്ചിരുന്നു. പരിശീലകൻ തുടരണം എന്ന അഭിപ്രായം തന്നെയാണ് ക്യാപ്റ്റൻ ഹാരി കെയിൻ അടക്കമുള്ളവർക്ക് ഉള്ളത്. അതേസമയം ഖത്തർ ലോകകപ്പിന് ശേഷം പ്രീമിയർ ലീഗിൽ മടങ്ങി എത്തുക എന്ന ആഗ്രഹം പലപ്പോഴും പ്രകടിപ്പിച്ച ആളാണ് സൗത്ഗേറ്റ്.

Previous articleജെറാർഡിനു പകരക്കാരനായി കൂമാൻ റേഞ്ചേഴ്സ് പരിശീലകൻ ആവുമെന്ന് സൂചന
Next articleഡി മരിയ അടിച്ചു, ഉറുഗ്വയെ വീഴ്ത്തി അർജന്റീന