പെറുവിയൻ ഭീമന്മാരായ യൂണിവേഴ്സിറ്റാരിയോയ്ക്കെതിരായ ശക്തമായ വിജയത്തോടെ ഇന്റർ മയാമി അവരുടെ ലാറ്റിൻ അമേരിക്ക ടൂറിന് തുടക്കം കുറിച്ചു. നിശ്ചിത സമയത്ത് ഗോൾരഹിത സമനിലയിൽ അവസാനിച്ച മത്സരത്തിൽ പെനാൽറ്റി ഷൂട്ടൗട്ടിൽ ആണ് ഇന്റർ മയാമി ജയിച്ചത്. 5-4 എന്ന സ്കോറിനായിരുന്നു ഷൂട്ടൗട്ടിലെ വിജയം.
ലിമയിൽ ഏകദേശം 80,000 ആരാധകർ മത്സരം കാണാൻ എത്തി. ലയണൽ മെസ്സിയും ലൂയിസ് സുവാരസും 70 മിനിറ്റോളം ഇന്ന് കളിച്ചു.
ഇനി അടുത്ത മത്സരത്തിൽ ഫെബ്രുവരി 2ന് ഇന്റർ മയാമി സ്പോർടിങ് സാൻ മിഗ്വലിറ്റോയുടെ നേരിടും.
