ഇന്ത്യൻ ഫുട്ബോൾ ടീമും നേപ്പാളുമായുള്ള സൗഹൃദ മത്സരങ്ങൾ തത്സമയം കാണാം. രണ്ട് മത്സരങ്ങളും ഇന്ത്യൻ ഫുട്ബോൾ ടീമിന്റെ ഫേസ്ബുക്ക് പേജിലൂടെ തത്സമയം കാണാം എന്ന് എ ഐ എഫ് എഫ് അറിയിച്ചു സെപ്റ്റംബർ 2, 5 തീയതികളിൽ ആകും മത്സരം. രണ്ട് മത്സരങ്ങളും വൈകിട്ട് 5.15ന് ആരംഭിക്കും.
നേപ്പാളിലെ കാഠ്മണ്ഡുവിലെ ദശരഥ് സ്റ്റേഡിയം കളിക്ക് ആതിഥേയത്വം വഹിക്കും. ഈ മത്സരങ്ങൾക്ക് മുന്നോടിയായി 25 അംഗം ടീം ഇന്ത്യ കഴിഞ്ഞ ആഴ്ച പ്രഖ്യാപിച്ചിരുന്നു. ഇന്ത്യയും നേപ്പാളും സാഫ് കപ്പിനായുള്ള ഒരുക്കത്തിലാണ്. ഈ സൗഹൃദ മത്സരങ്ങൾ സാഫ് കപ്പിനായി ഒരുങ്ങാൻ സഹായിക്കും എന്ന് ഇന്ത്യ കരുതുന്നു. നേപ്പാളിൽ 2015ൽ ആണ് ഇന്ത്യ അവസാനം ഫുട്ബോൾ കളിച്ചത്. അന്ന് ഇന്ത്യ നേപ്പാളുമായി ഗോൾ രഹിത സമനില വഴങ്ങിയിരുന്നു.
