കെങ്ക്രെയെ വീഴ്ത്തി മുംബൈയിൽ നേരോകക്ക് വിജയം

20221129 215715

ഐ ലീഗിൽ സ്വന്തം തട്ടകത്തിൽ തുടർച്ചയായ രണ്ടാം മത്സരത്തിലും വിജയം നേടാൻ ആവാതെ കെങ്ക്രെ എഫ്സി. ഇന്ന് മുംബൈയിൽ വെച്ചു നടന്ന മത്സരത്തിൽ എതിരില്ലാത്ത ഒരു ഗോളിന് ആതിഥേയരെ വീഴ്ത്തി നെരോക്ക എഫ്സി വിജയം നേടി. ഇതോടെ പട്ടികയിൽ ഏഴാമതെത്താൻ നെരോക്കക്കായി. കെങ്ക്രെ പത്താം സ്ഥാനത്ത് തുടരുകയാണ്. ജമൈക്കൻ താരം ഫ്ലെച്ചർ ആണ് വിജയികൾക്ക് വേണ്ടി വല കുലുക്കിയത്.

20221129 215709

വളരെ പതിഞ്ഞ താളത്തിലാണ് മത്സരം ആരംഭിച്ചത്. ആദ്യ മിനിറ്റുകളിൽ അവസരം തുറന്നെടുക്കാൻ ഇരു ടീമുകൾക്കും ആയില്ല. ആദ്യ പകുതിയുടെ ഇഞ്ചുറി ടൈമിൽ ഫ്ലെച്ചറുടെ ഒരു ആക്രോബാറ്റിക്ക് ശ്രമം ലക്ഷ്യത്തിൽ നിന്നും അകന്ന് പോയി. രണ്ടാം പകുതിയുടെ അൻപതിയേഴാം മിനിറ്റിൽ ഫ്ലെച്ചർ ഗോൾ കണ്ടെത്തി. ജക്കനോവാണ് അസിസ്റ്റ് നൽകിയത്. മത്സരത്തിൽ ഭൂരിഭാഗം സമയവും പന്ത് കൈവശം വെക്കാനും നെരോക്കക് സാധിച്ചു. അറുപത് ശതമാനത്തോളം പോസഷൻ അവർക്കുണ്ടായിരുന്നു. പത്തോളം തവണ നെരോക്ക ലക്ഷ്യത്തിലേക്ക് ഉന്നം വെച്ചപ്പോൾ ആതിഥേയർ അതിലും വളരെ പിന്നോക്കം പോയി. അവസാന മിനിറ്റുകളിൽ സമനില ഗോളിനായി ശ്രമിച്ചെങ്കിലും കെങ്ക്രെയെ സമർഥമായി തടുക്കാൻ നെരോക്കക് സാധിച്ചു.