ശ്രീനഗർ, നവംബർ 22: ഐ ലീഗിലെ മൂന്നാം മത്സരത്തിൽ ഗോകുലം കേരള എഫ് സി റിയൽ കാശ്മീർ എഫ് സിയെ ഇന്ന് ശ്രീനഗറിലെ ടി ആർ സി ടർഫ് ഗ്രൗണ്ടിൽ വെച്ച് നേരിടും. ഉച്ചയ്ക്ക് രണ്ടു മണിക്ക് ആണ് മത്സരം.
രണ്ടു ടീമുകളും അവരുടെ ആദ്യ രണ്ടു മത്സരങ്ങളിലും വിജയം കൈവരിച്ചിട്ടാണ് നേർക്കുനേർ വരുന്നത്. ഗോകുലം മുഹമ്മദൻ സ്പോർട്ടിങ്ങിനെയും, ഐസാൾ എഫ് സിയെയും പരാജയപെടുത്തിയപ്പോൾ റിയൽ കാശ്മീർ രാജസ്ഥാൻ യൂണൈറ്റഡിനെയും, നെറോക്ക എഫ് സിയെയും തോൽപിച്ചു.
കളി യൂറോസ്പോർട്സ്, 24 ന്യൂസ് എന്നിവയിൽ തത്സമയം കാണാം.
