ഗോകുലം കേരള പുതിയ സീസണിൽ മഞ്ചേരി പയ്യനാട് സ്റ്റേഡിയത്തിലേക്ക്‌. പുതിയ ഐ ലീഗ് സീസണിൽ പകുതിയോളം ഹോം മത്സരങ്ങൾ ഗോകുലം കേരള മഞ്ചേരി പയ്യനാട് സ്റ്റേഡിയത്തിൽ വെച്ചാകും കളിക്കുക. കഴിഞ്ഞ സന്തോഷ് ട്രോഫി സമയത്ത് നിറത്ത ഗ്യാലറിയിൽ കളികൾ നടന്ന പയ്യനാട് സ്റ്റേഡിയം ഗോകുലത്തെയും നിറഞ്ഞ കാണികളുമായി സ്വീകരിക്കും എന്നാണ് പ്രതീക്ഷിക്കപ്പെടുന്നത്.
ചിത്രം: സൈനുകാപ്പൻ
സീസണിലെ ആദ്യ 6 ഹോം മത്സരങ്ങൾ ആകും ഗോകുലം കേരള പയ്യനാട് വെച്ച് കളിക്കുക. ബാക്കി ഹോം മത്സരങ്ങൾക്ക് കോഴിക്കോട് ഇ എം എസ് സ്റ്റേഡിയം തന്നെ വേദിയാകും. കോവിഡിന് മുമ്പ് ഉള്ള ഐ ലീഗ് സീസണുകളിൽ കോഴിക്കോട് ആയിരുന്നു ഗോകുലത്തിന്റെ ഹോം വേദി. അവസാന രണ്ട് ഐ ലീഗ് സീസണിലും കിരീടം നേടിയ ഗോകുലം കേരള ഈ സീസണിലും കിരീട നേട്ടം ആവർത്തിക്കാൻ ആകും ശ്രമിക്കുക. ഒക്ടോബർ അവസാനം ആണ് ഐ ലീഗ് സീസൺ ആരംഭിക്കുന്നത്.
