ഇന്ത്യൻ വനിതാ ലീഗൽ ഒഡീഷ എഫ് സിക്ക് കിരീടം. ഇന്ന് അവസാന ദിവസം നടന്ന ഡബിൾ ഹെഡറിൽ ഗോകുലം കേരളവും ഒഡീഷയും വിജയിച്ചപ്പോൾ കിരീടം ഒഡീഷ കൊണ്ടു പോവുക ആയിരുന്നു. ഇന്ന് ഒഡീഷ് പരാജയപ്പെടുകയും ഗോകുലം വിജയിക്കുകയും ചെയ്താൽ മാത്രമേ ഗോകുലം കേരളക്ക് കിരീടം നിലനിർത്താൻ ആകുമായിരുന്നുള്ളൂ.
ഗോകുലം കേരള ഇന്ന് അവസാന മത്സരത്തിൽ ഈസ്റ്റ് ബംഗാളിനെ ഒന്നിനെതിരെ അഞ്ച് ഗോളുകൾക്ക് പരാജയപ്പെടുത്തി. എന്നാൽ മറ്റൊരു മത്സരത്തിൽ ഒഡീഷ കിക്ക് സ്റ്റാർട്ടിനെ തോൽപ്പിച്ചതോടെ അവർ തന്നെ കിരീടം നേടി. എതിരില്ലാത്ത 6 ഗോളുകൾക്ക് ആയിരുന്നു ഒഡീഷയുടെ വിജയം.
12 മത്സരങ്ങളിൽ നിന്നും 31 പോയിന്റുമായി ഒഡീഷ ലീഗിൽ ഒന്നാം സ്ഥാനത്ത് എത്തി. അവരുടെ ആദ്യ ഇന്ത്യൻ വനിതാ കിരീടം ആണിത്. ഗോകുലം കേരള 29 പോയിന്റുമായി ലീഗൽ രണ്ടാം സ്ഥാനത്ത് ഫിനിഷ് ചെയ്തു.
