ഇന്ന് നടക്കുന്ന റഷ്യൻ ലോകകപ്പ് ഫൈനലിൽ ക്രൊയേഷ്യയെ സപ്പോർട്ട് ചെയ്ത നൊവാക് ജോക്കോവിച്ചിനു നേരെ രൂക്ഷ വിമർശനം. നൊവാക് ജോക്കോവിച്ചിന്റെ ജന്മ നാടായ സെർബിയയിലാണ് താരത്തിനെതിരെ ആരാധകരും പൊതുജനങ്ങളും വിമർശനവുമായി രംഗത്ത് വന്നത്. വർഷങ്ങൾ നീണ്ടു നിന്ന യുദ്ധങ്ങളുടെ ഫലമായിരുന്നു ബാൾക്കൻ രാജ്യങ്ങളുടെ പിറവി. കാലമേറെയായിട്ടും രക്ത ചൊരിചിലുകൾക്ക് ഇതുവരെ ജനങ്ങൾ മാപ്പ് നൽകിയിട്ടില്ല. അത് കാരണം ക്രൊയേഷ്യയെ സപ്പോർട്ട് ചെയ്ത നൊവാക് ജോക്കോവിച്ചിനെതിരെ രൂക്ഷ വിമർശനമാണ് സമൂഹ മാധ്യമങ്ങളിൽ ഉയരുന്നത്.
https://www.instagram.com/p/Bgm2rG7j7ii/?utm_source=ig_embed
ഫ്രാൻസിനെതിരായി നടക്കുന്ന ഫൈനലിൽ ക്രൊയേഷ്യക്ക് സപ്പോർട്ട് അറിയിച്ചു കൊണ്ട് ജോക്കോവിച്ച് ഇൻസ്റ്റാഗ്രാമിൽ ഇട്ട ഫോട്ടോയാണ് ഇപ്പോൾ വിമര്ശനങ്ങൾ ഉയരാൻ കാരണമായത്. ക്രൊയേഷ്യയുടെ ലോകകപ്പ് ഹീറോസിന്റെ ഒപ്പമാണ് ജോക്കോവിച്ച് ചിത്രമെടുത്തത്. ലോകകപ്പിന്റെ ചരിത്രത്തിലാദ്യമായാണ് ക്രൊയേഷ്യ ഫൈനലിൽ എത്തുന്നത്.
കൂടുതൽ കായിക വാർത്തകൾക്ക് : www.facebook.com/FanportOfficial
