റഹീം സ്റ്റെർലിംഗ് തിരികെ വന്ന് ഇംഗ്ലണ്ടിനൊപ്പം ചേരും. സ്റ്റെർലിംഗ് ലോകകപ്പ് കളിക്കാനായി ഇംഗ്ലണ്ടിനൊപ്പം ഖത്തറിൽ ഇരിക്കെവെ താരത്തിന്റെ വീട്ടിൽ വലിയ കവർച്ച നടന്നിരുന്നു. അതോടെ താരം തിരികെ ഇംഗ്ലണ്ടിലേക്ക് പോവുക ആയിരുന്നു. സ്റ്റെർലിംഗ് സെനഗലിന് എതിരായ ഇംഗ്ലണ്ടിന്റെ മത്സരത്തിൽ കളിച്ചിരുന്നില്ല. എന്നാൽ താരം ഉടൻ ഖത്തറിൽ എത്തും എന്നും ടീമിനൊപ്പം ചേരും എന്നും ഇംഗ്ലീഷ് എഫ് എ പറഞ്ഞു.
സ്റ്റെർലിംഗ് ഫ്രാൻസിന് എതിരായ ക്വാർട്ടർ ഫൈനലിൽ കളിക്കുജയും ചെയ്യും. നേരത്തെ ഇറാന് എതിരായ മത്സരത്തിൽ സ്റ്റെർലിംഗ് ഇംഗ്ലണ്ടിനായി ഗോൾ നേടിയിരുന്നു. വെയിൽസിന് എതിരായ മത്സരത്തിലും സ്റ്റെർലിംഗ് കളത്തിൽ ഇറങ്ങിയിരുന്നു.
