ലോകകപ്പിൽ പ്രീ ക്വാർട്ടറിൽ പുറത്തായെങ്കിലും സ്പെയിൻ ടീമിനും ഒരു അവാർഡുണ്ട്. ലോകകപ്പിലെ ഏറ്റവും അച്ചടക്കമുള്ള ടീമിന് നൽകുന്ന ഫെയർ പ്ലെ അവാർഡാണ് ഇത്തവണ സ്പാനിഷ് ദേശീയ ടീം സ്വന്തമാക്കിയത്. ലോകകപ്പിൽ കളിച്ച നാല് കളികളിൽ ആകെ ഒരു മഞ്ഞ കാർഡ് മാത്രമാണ് അവർ വഴങ്ങിയത്. സെർജിയോ ബുസ്കെറ്റ്സ് റഷ്യക്കെതിരെയാണ് ഈ കാർഡ് വഴങ്ങിയത്.
അച്ചടക്കത്തിൽ മുന്നിൽ നിന്ന സ്പെയിൻ ലോകകപ്പിൽ ആകെ ചെയ്തത് 32 ഫൗളുകൾ മാത്രമാണ്. പക്ഷെ 59 തവണ അവർക്ക് എതിരാളികളുടെ ഫൗൾ ഏൽക്കേണ്ടി വന്നു.
ലോകകപ്പിൽ സ്പെയിൻ ഫെയർ പ്ലെ അവാർഡ് സ്വന്തമാക്കുന്നത് ഇത് ആദ്യമല്ല. 2010 ൽ ജേതാക്കൾ ആയ വർഷവും അവർക്ക് തന്നെയായിരുന്നു ഈ അവാർഡ്, 2006 ൽ ബ്രസീലിനൊപ്പം ഫെയർ പ്ലെ അവാർഡ് പങ്ക് വച്ചു. 2014 ഫെയർ പ്ലെ അവാർഡ് നേടിയത് കൊളംബിയ ആയിരുന്നു.
കൂടുതൽ കായിക വാർത്തകൾക്ക് : www.facebook.com/FanportOfficial
