ബ്രസീലിയൻ താരം നെയ്മർ തിരികെയെത്തുന്നു. നാലു മാസങ്ങളുടെ ഇടവേളയ്ക്ക് ശേഷം നെയ്മർ അദ്ദേഹത്തിന്റെ ക്ലബായ അൽ ഹിലാലിനൊപ്പം പരിശീലനം ആരംഭിച്ചു. ഇന്നലെ മുതൽ ആണ് താരം പരിശീലനം ആരംഭിച്ചത്. ഇനിയും രണ്ട് മാസം എങ്കിലും ആകും നെയ്മർ മാച്ച് ഫിറ്റ്നസിലേക്ക് എത്താൻ.
പരിക്ക് മാറാനായി കഴിഞ്ഞ നവംബറിൽ ബ്രസീലിൽ വെച്ച് നെയ്മറിന്റെ കാൽ മുട്ടിൽ ശസ്ത്രക്രിയ നടത്തിയിരുന്നു. ബ്രസീലിയൻ ടീം ഡോക്ടറുടെ സാന്നിധ്യത്തിൽ ആയിരുന്നു ശസ്ത്രക്രിയ. ഉറുഗ്വേക്ക് എതിരായ ലോകകപ്പ് യോഗ്യത മത്സരം കളിക്കുമ്പോൾ ആയിരുന്നു നെയ്മറിന് പരിക്കേറ്റത്. നെയ്മർ അവസാന സീസണുകളിൽ എല്ലാം പരിക്ക് കാരണം ഏറെ ബുദ്ധിമുട്ടിയിരുന്നു.
പെട്ടെന്ന് ഫിറ്റ്നസ് വീണ്ടെടുത്ത് കോപ അമേരിക്ക ടൂർണമെന്റിന്റെ ഭാഗമാവുക ആകും നെയ്മറിന്റെ ലക്ഷ്യം.
