ഗോൾ പോസ്റ്റിനു മുന്നിൽ ഒച്ചോവ തന്നെ, ലോകകപ്പിനുള്ള മെക്സിക്കൻ ടീമിനെ പ്രഖ്യാപിച്ചു

ഖത്തർ ലോകകപ്പിനുള്ള മെക്സിക്കൻ സ്ക്വാഡിനെ പ്രഖ്യാപിച്ചു. അനുഭവസമ്പതും യുവത്വവും ചേർന്ന ടീമിൽ നിരവധി പ്രമുഖ താരങ്ങൾ ആണ് പരിക്ക് കാരണം ഇടം പിടിക്കാത്തത്. ഗോളിന് മുന്നിൽ ലോകകപ്പിൽ എന്നും മതിൽ ആവുന്ന ഗില്ലെർമോ ഒച്ചോവയും പ്രതിരോധത്തിൽ അയാക്‌സിന്റെ ജോർജ് സാന്റോസും അടങ്ങുന്ന ടീമിന്റെ മധ്യനിരയും മുന്നേറ്റവും ശക്തമാണ്.

ഒച്ചോവ

പി.എസ്.വിയുടെ എറിക് ഗുയിട്ടറസ്‌, അയാക്‌സിന്റെ എഡ്സൺ അൽവരാസ്, റയൽ ബെറ്റിസിന്റെ ആന്ദ്രസ് ഗുയേർഡാഡോ എന്നിവർ അടങ്ങിയ ശക്തമായ മധ്യനിരയാണ് മെക്സിക്കൻ ടീമിന് ഉള്ളത്. നാപോളിയിൽ മിന്നും ഫോമിലുള്ള ഹിർവിങ് ലൊസാനോ, വോൾവ്സ് മുന്നേറ്റതാരം റൗൾ ഹിമനസ് എന്നിവർ അടങ്ങിയ മുന്നേറ്റവും മികച്ചത് ആണ്. ഗുയേർഡാഡോ, ഒച്ചോവ എന്നിവർക്ക് ഇത് അഞ്ചാം ലോകകപ്പ് ആണ്. അർജന്റീന, പോളണ്ട്, സൗദി അറേബ്യ എന്നിവർ അടങ്ങിയ ഗ്രൂപ്പ് സിയിൽ ആണ് മെക്സിക്കോയുടെ സ്ഥാനം.