റഷ്യക്കായി ഏറ്റവും കൂടുതൽ മത്സരങ്ങൾ കളിച്ച താരം ഫുട്ബോളിൽ നിന്ന് വിരമിച്ചു

- Advertisement -

ഇന്നലെ ക്രൊയേഷ്യയോട് ക്വാർട്ടറിൽ പരാജയപ്പെട്ടതോടെ റഷ്യൻ താരം ഇഗ്നാഷേവിച് ഫുട്ബോളിൽ നിന്ന് ഇഗ്നാഷേവിച് വിരമിച്ചു. 38കാരനായ ഇഗ്നാഷേവിച് നേരത്തെ തന്നെ ലോകകപ്പായിരിക്കും തന്റെ അവസാന ടൂർണമെന്റ് എന്ന് അറിയിച്ചിരുന്നു. ലോകകപ്പ് ഉള്ളത് കോണ്ട് മാത്രമായിരുന്നു വിരമിക്കാതിരുന്നത് എന്ന് താരം മത്സര ശേഷം പറഞ്ഞു‌.

റഷ്യയുടെ ക്വാർട്ടർ വരെയുള്ള യാത്രയിൽ പ്രധാന പങ്കുവഹിച്ച താരമാണ് ഇഗ്നാഷേവിച്. അവസാന അഞ്ചു മത്സരങ്ങളിലും ഇഗ്നാഷേവിച് കളിച്ചിരുന്നു. ഇന്നലെ ഒരു പെനാൾട്ടിയും താരം ലക്ഷ്യത്തിൽ എത്തിച്ചു. ഈ ലോകകപ്പിൽ സെൽഫ് ഗോൾ അടിച്ചതോടെ ലോകകപ്പ് ചരിത്രത്തിലെ സെൽഫ് ഗോൾ അടിക്കുന്ന ഏറ്റവും പ്രായം കൂടിയ താരമായും ഇഗ്നാഷേവിച് മാറിയിരുന്നു.

127 മത്സരങ്ങളിൽ റഷ്യാക്കായൊ ബൂട്ടു കെട്ടിയ താരം 9 ഗോളുകളും ടീമിനായി നേടിയിട്ടുണ്ട്.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement