തുടർച്ചയായ നോക്കൗട്ട് ജയങ്ങൾ പെനാൽറ്റിയിൽ, ലോകകപ്പ് റെക്കോർഡുമായി ക്രൊയേഷ്യ

- Advertisement -

പെനാൽറ്റി ഷൂട്ടൗട്ടിൽ റഷ്യയെ പരാജയപ്പെടുത്തി സെമി ഫൈനൽ ഉറപ്പിച്ച ക്രൊയേഷ്യ മറ്റൊരു ലോകകപ്പ് റെക്കോർഡ് കൂടി സ്വന്തമാക്കിയിരിക്കുകയാണ്. തുടർച്ചയായ രണ്ടാം നോക്കൗട്ട് മത്സര ജയമാണ് പെനാൽറ്റി ഷൂട്ടൗട്ടിൽ ഇന്ന് ക്രൊയേഷ്യ സ്വന്തമാക്കിയത്. റ

ഷ്യൻ ലോകകപ്പിൽ ഇതൊരു റെക്കോർഡാണ്. ലോകകപ്പ് ചരിത്രത്തിൽ പെനാൽറ്റി ഷൂട്ടൗട്ടിൽ തുടർച്ചയായ രണ്ടാം നോക്കൗട്ട് മത്സരജയം നേടിയ രണ്ടാം ടീമാണ് ക്രൊയേഷ്യ. 1990 ൽ യുഗോസ്ലാവിയയെയും ഇറ്റലിയെയും പെനാൽറ്റി ഷൂട്ടൗട്ടിൽ പരാജയപ്പെടുത്തിയാണ് അർജന്റീന ഈ നേട്ടം ആദ്യമായി സ്വന്തമാക്കിയത്.

പ്രീ ക്വാർട്ടറിൽ ഡെന്മാർക്കിലെ പെനാൽറ്റിയിൽ പരാജയപ്പെടുത്തിയാണ് ക്രൊയേഷ്യ ക്വാർട്ടർ ഫൈനലിൽ പ്രവേശിച്ചത്. നിശ്ചിത സമയത്ത് ഇരു ടീമുകളും ഓരോ ഗോൾ വീതം നേടി സമനില പാലിച്ചപ്പോൾ ഷൂട്ടൗട്ടിൽ 3-2 എന്ന സ്കോറിനാണ് ക്രൊയേഷ്യ വിജയിച്ചത്. 3 പെനാൽറ്റി കിക്കുകൾ തടഞ്ഞ് ക്രൊയേഷ്യൻ കീപ്പർ സുബാസിചാണ് വിജയം ക്രൊയേഷ്യക്ക് നേടിക്കൊടുത്തത്. ഇന്ന് നടന്ന ഷൂട്ടൗട്ടിലും റഷ്യയെ 4-3 ന് ക്രോയേഷ്യ മറികടന്നത് സുബാസിചിന്റെ മികവിലായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

Advertisement