കാൽ മുട്ടിനു ഏറ്റ പരിക്ക് കാരണം ലോകകപ്പ് നഷ്ടമാവും എന്നു ഉറപ്പിച്ച ബ്രസീലിന്റെ ആഴ്സണൽ താരം ഗബ്രിയേൽ ജീസുസിന്റെ പരിക്ക് പ്രതീക്ഷിച്ചതിലും ഗുരുതരം എന്നു സൂചന. നിലവിൽ താരത്തിന്റെ പരിക്ക് എത്രമാത്രം ഗുരുതരം എന്നറിയാൻ കൂടുതൽ പരിശോധനകൾ ആവശ്യമാണ് എങ്കിലും പുറത്ത് വരുന്ന സൂചനകൾ അത്ര നന്നല്ല.
നിലവിൽ താരത്തിന് ചിലപ്പോൾ ശസ്ത്രക്രിയ ആവശ്യമായി വന്നേക്കും എന്നും അങ്ങനെ എങ്കിൽ മൂന്നു മാസത്തോളം താരം പുറത്ത് ഇരിക്കേണ്ടി വരും എന്നാണ് ബ്രസീൽ ക്യാമ്പിൽ നിന്നുള്ള സൂചന. ആഴ്സണലിന് വലിയ തിരിച്ചടി ആവും ഇത് നൽകുക. ഖത്തറിൽ നിന്നു ലണ്ടനിലേക്ക് മടങ്ങുന്ന ജീസുസിന്റെ പരിക്കിൽ കൂടുതൽ പരിശോധനകൾക്ക് മാത്രം ആവും താരത്തിന്റെ ശസ്ത്രക്രിയയുടെ കാര്യത്തിൽ തീരുമാനം എടുക്കുക.
