ഉറുഗ്വേയ്ക്ക് എതിരെ ഇന്ന് റാഫേൽ വരാൻ നേടിയ ഹെഡർ ഗോൾ 1985 മുതൽ ഉള്ള ഫ്രാൻസിന്റെ കാത്തിരിപ്പിന്റെ അന്ത്യമാണ്. 1985 മുതൽ ഇങ്ങോട്ട് ഇതുവരെ ഉറുഗ്വേക്ക് എതിരെ ഗോൾ നേടാൻ ഫ്രാൻസിന് കഴിഞ്ഞിരുന്നില്ല. 1985ൽ ജോസെ ടൂറെ ആണ് ഫ്രാൻസിനായി അവസാനം ഉറുഗ്വേക്ക് എതിരെ ഗോളടിച്ചത്.
അതിനു ശേഷം ലോകകപ്പിലും സൗഹൃദ മത്സരങ്ങളിലുമായി അഞ്ച് തവണ ഇരു ടീമുകളും നേർക്കുനേർ വന്നെങ്കിലും ഫ്രാൻസിന് ഗോളടിക്കാൻ കഴിഞ്ഞില്ല. ഫ്രാൻസിന് എന്നല്ല ഇരുവരും കളിച്ച അവസാന അഞ്ച് മത്സരങ്ങളിൽ ആകെ പിറന്നത് ഒരു ഗോളായിരുന്നു. 2013ൽ അവസാനം ഇരുവരും ഏറ്റുമുട്ടിയപ്പ് സുവാരസ് നേടിയ വിജയ ഗോളായിരുന്നു അത്. ബാക്കി നാല് മത്സരങ്ങളും ഗോൾ രഹിതമായാണ് അവസാനിച്ചത്.
കൂടുതൽ കായിക വാർത്തകൾക്ക് : www.facebook.com/FanportOfficial
