ബ്രൂണോ ഫെർണാണ്ടസ് ഈ ലോകകപ്പിൽ തന്റെ മികവ് തുടരുകയാണ്. സ്വിറ്റ്സർലാന്റിന് എതിരെ ഒരു അസിസ്റ്റ് കൂടെ സംഭാവന ചെയ്തതോടെ ഈ ലോകകപ്പിൽ പോർച്ചുഗലിനായി മൂന്ന് മത്സരങ്ങളിൽ നിന്ന് അഞ്ച് ഗോൾ കോണ്ട്രിബ്യൂഷൻ ബ്രൂണോക്ക് ആയി. ആകെ എംബപ്പെക്ക് മാത്രമേ ഈ ലോകകല്പിൽ അഞ്ചിൽ അധികം ഗോൾ കോണ്ട്രിബ്യൂഷൻ ഉള്ളൂ.
ഗ്രൂപ്പ് ഘട്ടത്തിലെ ആദ്യ രണ്ട് മത്സരങ്ങൾ കഴിഞ്ഞപ്പോൾ പോർച്ചുഗൽ ആകെ നേടിയ അഞ്ചു ഗോളുകളിൽ നാലും ബ്രൂണോ ഫെർണാണ്ടസിന്റെ പങ്കിൽ ആയിരുന്നു.
ആദ്യ മത്സരത്തിൽ ഘാനക്ക് എതിരെ പോർച്ചുഗൽ നേടിയ രണ്ട് ഓപ്പൺ പ്ലേ ഗോളുകളും അസിസ്റ്റ് ചെയ്തത് ബ്രൂണോ ആയിരുന്നു. അന്ന് കളം നിറഞ്ഞു കളിച്ചതും ബ്രൂണോ ആയിരുന്നു. ഉറുഗ്വേക്ക് എതിരെയും ബ്രൂണോ തന്നെ ആയിരുന്നു സ്റ്റാർ. അന്ന് നേടിയ രണ്ട് ഗോളുകളും പൂർണ്ണമായും ബ്രൂണോയുടെ കഴിവ് ആയിരുന്നു.
